Sex in the office

Hmmmmmmmmmmmmmm… Kantoorkafoefel … Wat ‘n juicy topic!

Ek het onlangs gelees van twee kollegas in Engeland wat onwetend seks gehad het voor omtrent 20 toeskouers. Die tweetjies het in hulle teetyd so weggevoer geraak dat hulle die klere laat waai en mekaar gegryp het. Die konstruksie-werkers oorkant die pad sowel as die voetgangers was verstom. Hulle sê nie op watter vloer die kantoor was nie – net dat die kantoorvenster straat se kant toe gewys het. Uiteinde was ‘n applous van ‘n waarderende groep toeskouers, duidelik sonder dat die amoreuse, blasende paartjie dit hoor. ‘n Bobby het toe later ingegaan en die pret bederf deur die “porn fest” stop te sit.

Ja swaer. Dis seker een van die opwindendste kafoefels wat daar is – ek praat nou van kantoorkafoefel, nie voyeurisme nie. Dié wat dit al gedoen het sal weet. En ja, ek het ook al. Ek sê nou nie gryp sommer die beste, die eerste outjie wat by jou kantoor inkom nie, ongeag of hy of jy getroud is of nie! Ek sê ook nie hierdeur ek keur affairs goed nie! Dit hoef nie noodwendig ‘n affair te wees nie. Aag, what the hell! Hoekom verduidelik ek so? Al wat ek sê is dit laat die juices flow. Die bloed bruis deur jou are teen 450 km per uur as die persoon in die gang verby jou stap en julle oë ontmoet… Julle vingers raak as jy hom ‘n stapler aangee, en jy pass amper uit van die elektriese skok… Jy bied aan om ‘n dokument vir hom te vat net om hom te sien… Jy stap twintig keer ‘n dag by sy kantoor verby om water te gaan haal (ompad). Jy staar niksiende na die TV en dink net wat jy more gaan aantrek. So gaan dit aan en aan en bou dan op tot ‘n klimaks (excuse the pun). Ja swaer …

Hoop nie ek skok ‘n paar anties vandag nie. Ek is in ‘n stout bui – dis seker die onweer. Sê bietjie wat julle dink.